இறைநிறை வாழ்க்கை - Inspired Life

Inspired Life என்பது, சொல்லுக்குச் சொல், “in-Spirit” வாழ்வது — டாக்டர் வெய்ன் டையரின் “Inspiration: Your Ultimate Calling” நூலிலும் விரிவுரையிலும் முதன்முதலில் இந்த விளக்கத்தை கண்ட நமது நிறுவனர் அதன் உண்மை அர்த்தத்தை ஆழமாக பலவிதத்திலும் அலசி ஆராய்ந்தார். வேய்ன் டையரின் மர்றுமொரு நூலான “The Shift” இல் லட்சியம் நிறைந்த வாழ்க்கைப் பாதையில் இருந்து அர்த்தமுள்ள வாழ்க்கைக்கு ஒருவரது வாழ்க்கையை மடை திருப்புவது பற்றி கற்றறிந்தார். பின்னர் கிழக்கத்திய தத்துவங்களும் மேற்கத்திய கருத்துக்களும் சங்கமிக்கும் மையப்புள்ளியை கண்டறிந்தார். பொருள் முதல்வாதமா, கருத்து முதல் வாதமா என்ற விவாதத்திற்கு முற்றுப் புள்ளி வைக்கும் விதமாக “இரண்டும் அளவோடு கலந்து நிறைந்த அர்த்தமிகு” நிறை வாழ்க்கையே சரியான சிறப்பான வாழ்க்கை என்பதை அறிந்தார்.

“கர்ம யோகமே இந்த யுகத்தின் யோகம்” என்ற சுவாமி விவேகானந்தரின் மேலான கருத்தையும், திரு வேதாத்திரி மகரிஷி அவர்களின் “செயல் விளைவு தத்துவத்தின்” உண்மை ஆழத்தையும் உணர்ந்து இறைஅருளும், நிறைபொருளும் சமமாக இன்றைய வாழ்க்கைக்கு மிக அவசியம் என்று உணர்ந்து “Inspired Life (தமிழில் நமது நிறுவனரின் சொல்லாடலில் இறைநிறை வாழ்க்கை)” என்பதை அகம் அற்புதத்தின் இலக்காக நிர்ணயித்துள்ளார்.

இதுவே இன்று முழு நோக்கம். மற்ற அனைத்தும் — புத்தகங்களும், கோர்ஸ்களும், சமூகமும், கருவிகளும் — இந்த ஒரே ஒரு விஷயத்தை நெருங்கக் கொண்டு வரவே இருக்கின்றன: நோக்கத்துடனும், அர்த்தத்துடனும் செழிப்புடனும், அமைதியுடனும் இவை அனைத்தையும் ஒருங்கே தரக்கூடிய இறைஅருளுடனும் கூடிய ஒரு வாழ்க்கை : Inspired Life (இறைநிறை வாழ்க்கை)